Мишел го напушта Обама?
Американскиот таблоид „Глоуб“ објави драматична вест за распаѓање на претседателското семејство. Американската прва дама Мишел Обама, наводно, сака да го напушти сопругот, претседателот Барак Обама, па дури почнала да ги пакува работите за себе и за ќерките. Мишел, наводно, му рекла на Барак дека „и' е доста од се'“ и дека сака да ја напушти Белата куќа. Според пишувањето на американските таблоиди, брачните проблеми на Обама започнале во почетокот на годината кога Барак и Мишел, наводно, се скарале дали ќе имаат уште едно дете. „Мишел му го скрши срцето на сопругот кога одби да имаат уште едно дете“, наведе анонимниот извор, близок на претседателското семејство.
Колку има вистина во написите на американските таблоиди, допрва ќе се види. Белата куќа се' уште не се огласи официјално за ова прашање. (Индекс.хр) |
