Електронски картички за студентите

Електронска картичка преку која се евидентираат досиејата на студентите и со можност за попусти. Ова е описот на електронската картичка ISIC, која од оваа учебна година ја користат студентите на скопскиот Економски факултет и факултетите во рамките на Битолскиот универзитет „Св. Климент Охридски“. Картичките се на УНЕСКО, а со нив студентите се евидентираат како редовни на факултетот. Преку нив може да се добие информација за оцените на студентот, бројот на положени испити, доставе��и пријави. На картичката има и слика на студентот, со обележјата на факултетот каде студира, а со која тој се идентификува кога влегува и излегува од предавања и вежби. Со оваа картичка студентите имаат повеќе од 400 попусти во земјава и повеќе од 5 милиони во странство. Студентите преку картичката можат да набават поевтини авио и железнички билети, попусти во кино, театар, книжарници, дуќани..

„Картичките се единствен доказ што можат да го користат студентите во странство за да докажат дека навистина се студенти. Таа функционира во 165 земји, а регистрирани се вкупно 40 милиони корисници“, вели Никола Голубов од „Аурора турс“, единствен (ла) официјален застапник на овие картички во земјава. Кај нас моментално во оптек се 21.000 вакви картички. Студентите доколку сакаат да си обезбедат попусти, можат да ги земат и во слободна продажба по цена од 300 денари. Вакви картички се достапни и за професорите, кои се нарекуваат ITIC професорка и учителска картичка. (Ж.Ѓ.)