Ламбринидис бара соработка, а не споменици

Новиот шеф на грчката дипломатија, Ставрос Ламбринидис, говорејќи за новиот споменик „Воин на коњ“ во Скопје, рекол дека македонските лидери не треба да градат ѕидови и споменици, туку да постават нови мостови за соработка за да се запише нова иднина. Изјавата на Ламбринидис дадена во Луксембург на состанокот на министрите за надворешни работи на ЕУ и Западен Балкан го пренесе грчкиот весник „Етнос“, како дел од реакцијата што одекна во грчките медиуми за конечното поставување на скулптурата „Воин на коњ“, но и на споменикот на Филип Втори и во Битола и во Скопје.

За разлика од веста за скулптурите, по кусата средба на Ламбринидис со македонскиот колега Антонио Милошоски во Луксебург, која ја објави само весникот „Етнос“, во Грција никој не споменува дали е можна средба на премиерите на двете земји, Јоргос Папандреу и ��икола Груевски, во Брисел. Двајцата премиери ќе бидат таму в четврток и в петок на Самитот на ЕУ, меѓутоа, неизвесно е дали ќе дојде до средба. Како што информираат од Канцеларијата за печат на грчкиот премиер, засега се' уште нема закажано средба на агендата. (М.П.)