Иран не сака да разговара за својата нуклеарна програма

ТЕХЕРАН - Иран нема да дискутира за својата нуклеарна програма на разговорите со глобалните сили што ќе се одржи во декември, изјави вчера советникот на претседателот Махмуд Ахмадинеџад, внесувајќи сомнеж во шансите за успешни преговори. Али Акбар Џаванфекр, советник на претседателот за односи со јавноста, изјави дека земјите што сакаат да ги продолжат разговорите за иранските нуклеарни активности, за кои стравуваат дека би можеле да доведат до производство на оружје, треба да одговорат на условите на Ахмадинеџад. „Нема да разговараме со западните сили за прашањето за нуклеарната енергија во оваа рунда на преговори“, изјави Џаванфекр, според полуофицијалната новинска агенција Фарс. Иран соопшти дека е подготвен да ги продолжи разговорите со групата П5+1- постојани членки на Советот за безбедност на ОН: Британија, Кина, Франција, Русија и САД, плус Германија, по 10 ноември. (Ројтерс)