ЕУ ќе го штити еврото со построги правила

БРИСЕЛ - Лидерите на ЕУ посочија дека построгите нови буџетски правила договорени на самитот во Брисел во иднина ќе го заштитат еврото од должничка криза слична на онаа во Грција. ЕУ „постигна солиден пакт за зајакнување на еврото“, изјави претседателот на Европскиот совет, Херман ван Ромпуј. Ќе биде формиран перманентен фонд за зајакнување на еврото во време на криза и ЕУ ќе има дополнителна моќ за надзор врз националните буџети. Исто така, договорен е и 2,9-процентен лимит на буџетското зголемување под притисок на Велика Британија. Меѓутоа, тешки преговори се очекуваат во Европскиот парламент, кој гласаше за 5,9-процентно зголемување. Ако не се постигне договор д�� средината на ноември, буџетот за 2011 година ќе биде замрзнат на нивото од 2010 година. (Би-Би-Си)