Убиени 14 лица на спортски терен во Хондурас

Напаѓачите отвориле оган врз групата што се подготвувала за фудбалски натпревар

ТЕГУСИГАЛПА - Вооружени лица отворија оган врз група луѓе на спортски терен во северниот дел на Хондурас, при што убија најмалку 14 лица, соопштија властите. „ во саботата Тука има 14 загинати. Десетмина биле убиени на теренот, а уште четворица им подлегнале на раните на пат кон болница“, изјави Леонел Сауцеда, портпарол на Министерството за безбедност на Хондурас. Вооружените лица пристигнале со два автомобила и отвориле оган од автоматско оружје врз групата што се подготвувала за фудбалскиот натпревар во Сан Педро Сула, голем центар за текстилната индустрија во земјата, лоциран на околу165 километри северно од Тегусигалпа.

Веднаш не беше јасно што го предизвикало нападот, меѓутоа областа е дувло на насилни ривалски банди, кои често се инволвирани во трговија со наркотици. Весникот „Ел тиемпо“ објави фотографии како се товарат крвави тела во приколка на пикап-камион.

Во септември беа убиени од 17 лица платени убијци што им припаѓаат на уличните банди поврзани со насилните мексикански наркокартели. Борбата со уличните банди и конкурентските картели доведе до остра ескалација на насилниот криминал во Хондурас во последниве неколку години. Сан Педро Сула се наоѓа во регионот каде што наркобандите се познати по тоа дека го рафинираат кокаинот пред да го испратат на пазарите во САД. (Би-Би-Си)