Одбележување на Светскиот ден на книгата и авторското право

Националната и универзитетска библиотека „Св. Климент Охридски“ денеска напладне со пригодна свеченост ќе го одбележи Светскиот ден на книгата и авторското право.

Одбележувањето на овој датум, годинава се случува по 15 пат и според организаторите, поздравана беседа ќе одржи Миле Бошевски, директор на НУБ „Св. Климент Охридски“, ќе биде прочитана пораката од Ирена Бокова, генерален директор на УНЕСКО, а македонската порака ќе ја прочита Раде Силјан, претседател на Друштвото на писателите на Македонија. И годинава, организаторите предвиделе да продолжи традиционалната акција: на присутните да им подарат книга и цвет. (Н.П.)