БОДЕГИТА ДЕЛ МЕДИО
Најдобар скопски ресторан за 2008 година
Едно од најатрактивните места во центарот на Скопје, коктел-бар ресторанот „Бодегита дел Медио“ пред два дена се закити со плакета-признанието од Градот, за најдобар ресторан во 2008 година. Горди на својот успех, екипата од ресторанот изјави дека ова е само почеток на успешното работење на ова место за забава.
Препознатливи по пијалакот „мохито“, извонредната латино-музика, добрата услуга, квалитетната храна, како и „селебрити“ профилот на гости, „Бодегита“ за кратко време успеа да стане препознатлив скопски бренд со статус на едно од најпосетуваните места во градот.
„Бевме навистина пријатно изненадени од наградата. Принципот на кој го добивме признанието и плакетата се навистина интересни, бидејќи и не знаевме дека не' контролираат и го оценуваат нашето работење. Во секој случај, ова е само почеток на успешното работење на ’Бодегита дел Медио‘“, гордо изјави генералниот менаџер Дејан Бошковски. |
