„Се' што сакам си ти“ - нов албум на „Ареа“
Десет композиции се дел од новиот албум на гостиварската група „Ареа“ - „Се' што сакам си ти“, за кој музиката, аранжманите и продукцијата ги направи Ивица Брчиоски, а текстовите ги напиша неговата сопруга и вокал Ружица Милошевска - Брчиоска.
Шестиот студиски албум на групата е снимен во студиото „Клиника“ во Гостивар, а како специјален гостин на темата „Дали можеш“ се појавува Гарабет Тавитјан.
Издавач на албумот е „Авалон продукција“, која завчера организираше неофицијално преслушување на новите теми во кафулето „Тренд“, истовремено најавувајќи дека носачот на звук ќе се појави на музичките пазари во почетокот на идниот месец. |
