До 2012 година „Фејсбук“ ќе има милијарда члена

Вашингтон - Популарната социјална мрежа „Фејсбук“ до 2012 година би требало да има една милијарда члена, предвидува нејзиниот основач Марк Цукерберг.

Тој очекува во наредниот период да дојде и до проширување на неговиот модел на стопанисување заснован на партнерство и контекстуализирани реклами.

Цукерберг најави дека на „Фејсбук“ наскоро ќе биде воведена и „национална валута“ наречена „кредит“, при што со виртуелни пари ќе може да се купува во игрите на мрежата, но и да се плаќа за испраќање најразлични подароци до ФБ-пријателите. „Кредит“ ќе се „менува“ по 10 центи за еден кредит или по еден долар за 100 кредити, при што 30 проценти од сумата ќе оди на сметката на „Фејсбук“.

Цукерберг очекува во текот на 2010 година прометот на „Фејсбук“ да изнесува меѓу една и 1,1 милијарди долари. (МИА)