Од Србите помалку се платени само Македонците

Белград - Просечната нето-заработувачка во Србија во мај изнесуваше 320 евра, што е реално помалку за 5,5 отсто, а номинално за 4,3 проценти отколку во претходниот месец. Во Србија просечната нето-заработувачка во мај беше реално поголема за 3,7 отсто отколку во истиот месец во 2009 година, а номиналната од 7,6 отсто. Како што објави Заводот за статистика, просечната заработувачка со данок и придонеси исплатени во мај изнесуваше 444,5 евра, што е реално, исто така, помалку за 5,5 отсто, а номинално за 4,3 отсто отколку во април.

Србите, според висината на платата, со заработени од само 320 евра месечно, се на крајот и понатаму го држат неславното место во овој регион. Полоши од нив во висината на заработувачката моментално се само Македонците. Економистите не ги чуди ваквото движење на просечните заработувачки и драстичен пад на месечно ниво. „Тоа едноставно е знак дека Србија и понатаму е во длабока економска криза“, вели Саша Ѓоговиќ, соработник во Институтот за пазарни истражувања. Тој вели дека „нема нови инвестиции ниту нарачки кои би ја зголемиле вработеноста, а со тоа и поголема вработеност на производните капацитети и заработката. Ѓоговиќ додава дека заработките во нестопанството и понатаму се над заработувачката способност на нашето стопанство и како такви мора да останат замрзнати, без делење какви било бонуси. Бидејќи така само вештачки се крева стандардот на вработените, пред се', во јавната администрација. На тој начин се зголемува јавната потрошувачка наместо да се редуцира преку реформи во јавниот сектор.

Највисока плата минатиот месец анализирајќи ја заработувачката по дејности добија нафташите 95.164 динари, речиси три пати повеќе од републичкиот просек. Не можат да се пожалат ниту вработените во организациите врз база на зачленување, какви што се коморите. Тие дома однесоа во просек по 72.893 динари. Следуваат банкарите кои заработија илјада динари помалку отколку 71.161 динар. (Б-92)