Г-8 не постигна договор за наметнување глобален данок врз банките

Ханствил – „Земјите од Г-8 на средбата на врвот во Хантсвил, Канада, не постигнаа договор за наложување данок врз банките и останува на секоја од нив да го воведе или не“, изјави претставник на земјата-домаќин. „Нема договор за глобален банкарски данок“, изјави на прес-конференција Лен Едвардс, главен канадски преговарач за средбата на Г-8. Тој додаде оти за сметка на тоа, секоја земја останува слободна да дејствува, како што ќе посака, на пример, Франција, Велика Британија и Германија се благонаклонети кон идејата.

„Лидерите на Г-8, исто така, се договорија во наредните пет години да донираат нови пет милијарди долари за подобрување на здравјето на мајките и малите деца во земјите во развој“, изјави канадскиот премиер Стивен Харпер.

Средствата се наменети за напорите во исполнувањето на една од Милениумските цели на развојот на ОН, а една од тие цели е и стапката на смртност меѓу мајките и малите деца да се намали за три четвртини. (МИА)