Зоран Крстевски паралелен претседател на ЛП!
Свети Николе - Зоран Крстевски е новиот лидер на Либералната партија, избран на вчерашниот вонреден конгрес на партијата во Свети Николе. Одлуката едногласно ја донеле 157 делегати од 30 општински организации од вкупно 40. Тие сметаат дека Крстевски е нивниот легитимен лидер и покрај тоа што пред десетина дена крилото на Стојан Андов одржа редовен конгрес на партијата, на кој за нов лидер беше избран Борче Стојановски, претседателот на битолскиот разгранок .
Крстевски најави дека партијата ќе се врати на либералните принципи и на внатрешно-партиската демократија и дека ќе ја продолжат соработката со ВМРО-ДПМНЕ. Делегатите го разрешија Андов, ги поништија сите одлуки на претходното раководство и финансиските договори склучени за време на предизборната кампања. (П.Р) |
