За ветените пари стечајците ќе мора да обезбедат куп документи
За да ја пополонат пријавата со која Владата ќе им ги исплати ветените 5.000 денари, стечајците ќе мора да обезбедат куп документи. Постапката ја сметаат за комплицирана, бидејќи дел од нив и не ќе можат да ги обезбедат бараните документи. Тешко е да се обезбеди од некогашниот памучен комбинат „Македонка“ решение за престанок на работен однос.
„Се сомневаме дека архивата на ваков гигант воопшто е зачувана во целост“ сметаат стечајците, или обезбедување потврда за примени испратнини. Вакви и слични примери можно е сегашната бројка од 6.000 стечајци во Македонија да ја преполоват.
Да се дојде до парите, значи повеќе од половината однапред да се потрошат за обезбедување грст решенија и потврди. Стечајците на средбата со надлежните од Агенцијата за вработување реагираа на листата со потребни документи и упатства. За административците нема ништо комплицирано. Трошокот за бараните документи е еднократен, а законот јасен.
Здружението на стечајците се солидаризира со оние кои по било која основа ќе се најдат под црвената линија и не ќе можат да ја комплетираат пријавата за добивање пари.
Рокот за достава на пријавата со бараните документи до Агенцијата за вработување е 21 август. (Нетпрес) |
