Србија прв полуфиналист на СП

Српските одбојкарски репрезентативци се први полуфиналисти на Светското првенство во Италија. Во Фиренца ја совладаа и селекцијата на Русија со 3:1 и со две победи го обезбедија првото место во групата П во третата мундијалска фаза. За најдобриот одбојкарски состав на Србија ова е четврти пласман во полуфинале на едно СП во кое ќе игра со подобриот од дуелот меѓу Куба и Бугарија. Со Бугарите и Кубанците во групата играше и Шпанија, но со два пораза „фуријата“ ги заврши настапите во Ку конкуренцијата.

Во групата Р, Германија ја совлада Чешка со 3:0. За Чесите ова е втор пораз по кој останаа без полуфинале, а во големата четворка од оваа група ќе се најде победникот од средбата меѓу Германците и Бразилците.

На чекор до пласман во полуфинале е и домашниот состав на Италија. Во рамки на групата О „азурите“ ја поразија репрезентацијата на САД со 3:1 и во последното коло ќе играат против Франција.

Резултати од мечевите во третата фаза на Светското одбојкарско првенство за мажи во Италија:

Група О: САД - Италија 1:3 (25:14, 23:25, 26:28, 22:25)

Група П: Русија - Србија 1:3 (26:28, 25:16, 21:25, 25:27)

Група К: Куба - Шпанија 3:1 (25:22, 15:25, 25:22, 25:22)

Група Р: Германија - Чешка 3:0 (25:23, 25:18, 25:13)