Австралија опен 2011 со рекорден фонд

Изданието на Австралија опен 2011 ќе понуди најголем награден фонд во историјата на Гренд слем турнирите. Првиот голем тениски настан наредната година ќе стартува на 17 јануари во Мелбурн, ќе трае со 30 во месецот и ќе „тежи“ 24,2 милиони американски долари или 17,6 милиони евра.

„Победниците во машка и женска конкуренција ќе заработат по 2,1 милиона додека финалистите ќе бидат побогати за половина од тој износ“, изјави директорот на Австралија опен, Грег Тајли и изрази надеж дека бранителката на трофејот, Серена Вилијамс и Белгијката Жастин Енан, тенисерки кои моментно ги мачат повреди (Серена стопало, Енан лакт), ќе закрепнат дотогаш и ќе се појават во Мелбурн.

За споредба Ју-Ес опен нуди 22,6 милиони американски долара награден фонд, Вимблдон - 21,7 милиона, а Ролан Гарос - 22,1 милиона.