Пораз на Ер Авелино на Марковски за збогум на топ-16
Италијанскиот претставник загуби на гости од Уникаха со 72:68, резултат кој ја носи Цибона во наредната рунда натпревари
Составот на Ер Авелино на чие кормило е македонскиот тренер Заре Марковски не успеа да обезбеди место во топ 16 фазата во кошаркарската Евролига. Италијанскиот претставник загуби на гостувањето во Малага кај Уникаха со 72:68 во рамки на осмото коло во групата А, а на резултатот најмногу му се радуваше Цибона која и математички го потврда пласманот во наредната рунда натпревари. За Ер Авелино ова беше шести пораз сезонава по кој е на претпоследното место во својата група и во преостанатите две кола не може да го потисне хрватскиот претставник, кој досега забележа пет победи. Во вториот меч во групата А, Макаби Електра му го нанесе и осмиот пораз на Ле Ман совладувајќи го пред неговите навивачи со 87:73.
Жалгирис, дури во осмиот натпревар во групата Б, успеа да ја оствари првата евролигашка победа сезонава. Литванците, како домаќини, славеа над полски Асеко Проком со 79:68.
Во групата Ц екипата на ТАУ Керамика ја совлада Алба во Берлин со 73:68, а љубљанска Унион Олимпија загуби по продоленијата во Рим од Лотоматика со 74:69. Нашиот Влатко Илиевски не играше за словенечкиот состав кој во италијанската престолнина го претрпе седмиот пораз во ова натпреварување сезонава.
Во последниот меч во Евролигата во четвртокот, Ефес Пилсен, триумфира кај Паниониос со 78:64.
Резултати, 8. коло
Група А: Ле Ман - Макаби Електра 73:87, Уникаха Малаха - Ер Авелино 72:68. Табела: Олимпијакос (6 поб.-2 пор.), Уникаха Малага (6-2), Макаби Електра (5-3), Цибона (5-3), Авелино (2-6), Ле Ман (0-8)
Група Б: Жалгирис - Асеко Проком 79:68. Табела: Барселона (7 поб.-1 пор.), Монтепаски Сиена (6-2), Панатинаикос (6-2), Асеко Проком (2-6), Нанси (2-6), Жалгирис (1-7)
Група Ц: Алба Берлин - ТАУ Керамика 68:73, Лотоматика Рома - Унион Олимпија 74:69 (по продолженија). Табела: ТАУ Керамика (6 поб.-2 пор.), Лотоматика Рома (6-2), Фенербахче (4-4), Хувентут (4-4), Алба Берлин (3-5), Унион Олимпија (1-7).
Група Д: Паниониос - Ефес Пилсен 64:78. Табела: ЦСКА Москва (6 поб.-2 пор.), Реал Мадрид (5-3), Ефес Пилсен (4-4), Партизан (3-5), Армани Џинс Милано (3-5), Паниониос (3-5).
|
