Победа и пораз на Георгиев во Банско

Велемајсторот Владимир Георгиев (рејтинг 2582) забележа победа и пораз во втората третина од шаховскиот турнир во бугарскиот зимски центар Банско, со награден фонд од 9.000 евра, од кои 2.000 за победникот. Единствениот македонски претставник во петтото коло со бели фигури го совлада интермајсторот Нанко Добрев (2376) од Бугарија, а во шестото со црни загуби од ИМ Тамир Набати (2529) од Израел. На три кола до крајот Георгиев со 4,5 поени е петти меѓу 114 учесници.

Табела по шест кола: Набати и Григорјан по 5,5 поени, Савченко и Николаидис по 5, В. Георгиев, Добрев, Петров, Григоров, Максимовиќ, Чепаринов, Стрелников, Коробков, Даниелсен, Кр. Георгиев, Галбурд и Димитров по 4,5 итн. (Р.Д.)