Марката нема да се врати

Германската канцеларка Ангела Меркел ја отфрли можноста за враќање на германската марка во време на должничка криза во Европа. Таа нагласи дека Германија обрнува големо внимание на европската валута и истакна дека ќе стори се' за зачувување на стабилноста на еврото.

Германија како најбогата европска држава е најголем донатор за кризните фондови вредни неколку милијарди евра, кои се наменети за државите што имаат финансиски проблеми. Меркел повика на зголемена соработка меѓу 17 земји што го користат еврото и инсистираше на тоа дека соработка не треба да биде ограничена само на членовите на еврозоната.

„Доколку постигнеме договор, тој треба да биде отворен за секој што сака да се придружи“, изјави германската канцеларка.

Истражувањето на осигурителната куќа „Алијанс“ покажува дека инфлацијата во Германија е значително намалена откако еврото ја замени марката. Просечна годишна стапка на инфлација во Германија е 1,5 проценти, а во времето на марката таа изнесувала 2,6 проценти. (Ек.Р.)