Во Струмичко посеани 50 отсто со есенски култури

Струмица - Во Струмичкиот регион досега се посеани половина од планираните површини за есенски култури. Поради обилните дождови и преголемата влажност на почвата почетокот на есенската сеидба беше одложен, а во текот на минатиот месец во два наврата беше прекинувана по неколку дена. Според земјоделските стручњаци, се' уште има доволно време за успешно извршување на есенската сеидбена кампања и, доколку просечните температури останат над нулата до крајот на ноември, сеидбата ќе заврши во оптимални рокови. (МИА)