ТТК банка доби спор вреден 3,7 милиони евра

ТТК банка доби пресуда од Врховен суд за наплата на побарување вредно 225 милиони денари, односно 3,7 милиони евра, соопшти банката. Станува збор за тужбено досега ненаплатено побарување од тетовската компанија „Медицинска пластика“, која е во стечај. „Во крајна судска инстанца ТТК го доби спорот и сега има право за наплата на 225,3 милиони денари“, велат од банката. Оттаму коментираат дека ова значајно ќе ја релаксира нивната позиција поради тоа што ќе намалат резервациите што досега ги имале токму поради овој случај. Тоа значи дека банката очекува оваа разрешница позитивно да влијае врз нивниот претстоен резултат во билансот на успех. (Ек.Р.)