Пукано во магацини на приватна компанија

ТЕТОВО - Во неделата околу 3 часот врз магацините „Зибинг“, сопственост на Зибер Зибери (50) од Порој, било пукано од автоматско оружје. Ова е втор напад на комплексот за само една недела. Како и претходно, искршени се повеќе стакла. Штетата се проценува на околу 2.500 евра. Од СВР - Тетово информираат дека непознатите пукале од пиштол и во двата напада биле пронајдени чаури од испуканите куршуми. Сопственикот Зибери вели дека досега немал никакви закани и нема нерасчистени должничко-доверителски односи, па не му се познати и мотивите за нападите. (Г.Е.)