Меклиш нов тренер на Астон Вила
Астон Вила го именува Алекс Меклиш за свој нов тренер помалку од една недела откако Шкотланѓанецот даде оставка кај лутиот локален ривал Бирмингем по и-меил. Одлуката да се преговара со Меклиш, кој во минатата сезона не успеа да го спаси Бирмингем од испаѓање од Премиер лигата, предизвика протест во Вила Парк од голем број најзакоравени навивачи на клубот во почетокот од неделава.
Меклиш (52), некогашен централен дефанзивец што многу години настапуваше за Абердин и за шкотската репрезентација, го наследи Жерар Улие, кој се повлече на 1 јуни поради здравствени проблеми. Како менаџер имаше успеси со шкотските премиерлигаши Мадервел, Хибернијан и Глазгов Ренџерс пред да стане селектор на Шкотска во јануари 2007 година. Не остана долго на таа функција, бидејќи замина во Англија за да го наследи Стив Брус во Бирмингем во ноември таа година. Во првата сезона клубот го освои деветтото место, што е негов најдобар пласман во Премиер лигата во последниот половина век. Годинава го освоија Лига купот со победа во финалето над Арсенал, но испаднаа од елитата во последното коло. |
