Гебрселасие во Берлин по норма за ОИ
Светскиот рекордер во маратон Хајле Гебрселасие ќе учествува на Берлинскиот маратон во септември со цел да ја исполни нормата за Олимпијадата во Лондон. Минатиот месец 38-годишната атлетска легенда од Етиопија по четврти пат победи во трката на 10 километри во Манчестер и тогаш изјави дека се концентрира годинава да истрча брз маратон, со кој би се квалификувал на Игрите в година. Берлин е една од неговите омилени трки со својата рамна и брза патека, која поминува низ градот и на која во 2008 година го оствари светскиот рекорд од 2:03,59 часа.
Гебрселасие победи во Берлин четири пати во низа, почнувајќи од 2006 година. Двократниот олимписки шампион на 10.000 м во 2006 и во 2010 година најави повлекување по Њујоршкиот маратон минатиот ноември, но потоа се премисли и најави дека ќе ја заврши богатата кариера на ОИ во Лондон. |
