Зголемено нивото на Мавровско Езеро
ГОСТИВАР - Интензивните врнежи на дожд кои последниве денови ги зафатија Мавровскиот, Горнореканскиот регион и системот „Шарски води“ го зголемија нивото на Мавровско Езеро за триесетина сантиметри. Мавровско Езеро достигна 1.212,73 м и во него се наоѓа резерва на вода за производство на околу 60 милиони квч. електрична енергија. Во овој период се акумулираа над 550.000 кубни метри вода, што е два отсто од просечниот годишен доток во езерото. Според Зоран Јосифовски, директор на гостиварската експозитура на ХЕЦ „Маврово“ на АД ЕЛЕМ, Мавровскиот хидроенергетски систем ќе ја акумулира секоја капка вода. (К.К.) |
