Промоција на план за управување со Кокино
Во хотелот „Холидеј ин“ во Скопје, денеска во 13,30 ќе биде промовиран „План за управување со културниот предел Кокино“, прв и единствен од ваков вид во земјава, изработен според стандардите на УНЕСКО. Промотори се Зоран Павлов од Управата за заштита на културното наследство и Јовица Станковски, директорот на Народниот музеј Куманово, а стихови за сонцето, ќе рецитираат поетесите Билјана Станковска и Светлана Христова Јоциќ.
За Кокино и сонцето како муза ќе говори Венко Андоновски, ликовни дела работени под инспирација на сонцето ќе изложи Сергеј Андреевски, а на кавал ќе настапи Бајса Арифовска. (К.Б.) |
