Мајка ги претепала синовите
Центарот за социјални работи во Штип работи на случајот на двете претепани деца од нивната 26- годишна мајка Ѓулџана Мемедова. Директорката Мери Лазарова изјави дека стручна екипа го посетила семејството Мемедови и во тек е постапката за утврдување дали децата ќе му бидат доделени на таткото или пак ќе бидат сместени во некоја од институциите.
„Стручната екипа ќе утврди дали нивниот татко е способен да се грижи за децата или пак ќе бидат сместени во некоја од институциите“, рече Лазарова. Таа рече дека Центарот за социјални работи ја познава состојбата на семејството, кое е корисник на социјална помош, а мајката Ѓулџана досега немала покажано насилно однесување врз децата.
Мемедова со невенчаниот сопруг има пет деца, а стручните работници во Центарот имаат сознанија оти нејзиниот сопруг постојано ја малтретирал. (МИА) |
