Јавните набавки недоволно познати
Законот и постапката за јавни набавки не се доволно познати, и на договорните органи и на економските оператори, покажува извештајот за кварталната анализа од мониторингот на спроведувањето на процесот на јавни набавки во Македонија, направен во ноември 2008. Во него учествувале 160 постапки за јавни набавки, по 40 за секој квартал. Според анализите што ги презентира вчера Центарот за граѓански комуникации, забелешките се упатени на сложениот процес на јавни набавки и затоа се предлага да се одржат поголем број обуки и унифицирани мислење од Бирото за јавни набавки. Целта на анализата, како што рече Драгољуб Арсовски, претставник од Центарот, е да се оцени како се спроведува процесот на јавни набавки според новиот Закон и дали и колку функционираат основните принципи на транспарентност. Во однос на жалбената постапка, заклучено е дека поради недоволно познавање на Законот, понудувачите не ги користат законските можности. (Ек.Р.) |
