Семинари за деловно образование
„Прогнозирањето на компаниски успеси и неуспеси“ беше тема на најновото предавање во серијата семинари за напредно деловно образование, во организација на „М-6 образовниот центар“. На оваа тема одржа предавање еден од најпознатите меѓународно признати експерти од областа на менаџментот и лидерството, д-р Ицак Адизес. Менаџерските техники на д-р Адизес најдоа широка примена и помогнаа во спроведувањето на фундаментални промени во приватниот и во јавниот сектор во САД и низ светот. Тој е креатор на специјализираната програма од областа на менаџерските промени која го носи неговото име. Оваа програма е веќе успешно имплементирана во над 1.000 компании и организации во светот, а повеќето компании што ја имплементираа се меѓу најголемите 100 компании. На семинарот неговите препораки и искуството ги слушнаа првите луѓе на повеќе македонски компании. (Ек.Р.) | 
