На повидок нова гасна криза?
Руски „Гаспром“ повторно се заканува со затворање на гасот за Украина на 8 март, бидејќи компанијата „Нафтогас“ се' уште не платила за февруарската достава на гас. „Гаспром“, според руски гласила, најави дека ќе ги затвори вентилите за Украина доколку Киев не ги плати обврските до 7 март во вредност од околу 400 милиони американски долари.Рускиот гигант веќе предупредил на проблеми, бидејќи според сегашната економска состојба, украинската компанија „Нафтогас“ нема да биде во состојба да ги плати обврските, освен ако не добие заем од државата. Ова би било продолжување на гасната криза, која започна на 1 јануари, поради несогласувања меѓу Русија и Украина за гасот. (Од агенциите) |
