Женската ракометна репрезентација на Македонија в понеделник од 10,30 ч. во СРЦ "Кале" ќе ги почне подготовките за квалификациите за Европското првенство 2010 во Данска и во Норвешка. Селекторот Јосиф Петковиќ за оваа акција повика 18 ракометарки, сите од домашното првенство. Покана добија голманките Тања Андреева, Ева Диневска и Магдалена Хофман, крилата Симона Николовска, Ива Стојковска, Ане Деспотовска и Надица Трајковска, бековите Мирјета Бајрамовска, Душица Ѓорѓиевска, Даниела Новеска, Зорица Деспотовска, Моника Ристовска и Весна Ацковска, како и пикерите Робертина Мечевска и Наташа Младеновска. Македонија е во седмата група и ќе стартува на 14 октомври против Литванија во СРЦ "Кале", а во групата се и Хрватска и Холандија. На ЕП ќе играат двете првопласирани селекции. (Р.Д.)