По Мумин Вели, и Примислав Димовски почна со победа на 15. Светско првенство во бокс што се одржува во Милано од 1 до 12 септември. Димовски на стартот во супертешка категорија (над 91 кг.) го декласира Џејк Агеиду од Науру со 21:3, по рунди 3:0, 12:1 и 6:2. Следна пречка на популарниот Прим во категоријата во која се пријавени 32 натпреварувачи ќе биде Клејтон Лорент од Девствени Острови, кој го совлада Нигериецот Онориоде Евариеме со 10:8. Мечот ќе се одржи на 7 септември попладне.

Синоќа требаше да стартува и Фатлум Жута, кој во категоријата до 75 кг. за противник го имаше Бугаринот Младен Манев, а последен од четиричлената македонска репрезентација на рингот во Милано ќе се појави Димитар Ташков (91 кг.). Тој на 6 септември ќе боксува против Рамзан Ахмедов од Азербејџан.

Мумин, пак, во второто коло во категоријата до 51 кг. утре изутрина ќе се сретне со Ирецот Деклан Герахти, кој беше подобар од Манјо Планге од Гана со 12:5. (Р.Д.)