„Визуелизација на моментот“ на Христина Зафировска

По презентацијата во музејската куќа „Робевци“ во Охрид, во уметничката галерија „Безистен“ во Штип и во Домот на културата во Кавадарци, вечерва во Отвореното графичко студио во Скопје во 20,30 часот ќе биде отворена изложбата „Визуелизација на моментот“ на ликовната уметница Христина Зафировска.

Зафировска презентира 22 слики, работени на насловната тема кои се дел од нејзиниот творечки опус. „Делата укажуваат на творечка доследност, како во однос на медиумот, така и во досегашната практика за визуелна нарација со посредство на асоцијативната транскрипција на реалноста“, вели Јованка Попова, ликовна критичарка. (К.Б.)