Промоција на монографија за Чемерски

Во издание на Националната галерија на Македонија, денеска во објектот Чифте-амам во 12 часот ќе биде промовирана монографија за творештвото на ликовниот уметник Глигор Чемерски. Монографијата ќе ја промовираат академик Георги Старделов, претседател на МАНУ, проф. Кирил Темков и проф. Венко Андоновски.

Чемерски е автор чие творештво остава неизбришлива трага во современата македонска уметност и има создадено голем број монументални мозаици и фрески низ државата - јавни споменици (Вруток, Кочани, Кавадарци), а едно од последните негови големи остварувања од тој тип е мозаикот во палатата на претседателот на Република Македонија. (К.Б.)