Нов парк во Реонски центар во Аеродром

Нов парк со површина од 10.000 квадратни метри оплеменета со околу 250 листопадни и зимзелени садници, како што се магнолии, украсни цреши, туи, багреми, елки и платани вчера добија жителите на Реонскиот центар во Аеродром. Тревната површина ја красат и 2.000 љубичици, а низ паркот се изградени пешачки патеки и се поставени клупи и канти за отпадоци. Растенијата во паркот ќе се наводнуваат со високософистициран електронски систем за наводнување, при што ќе се користи вода од новоизградениот бунар со хидрантска мрежа и синхронизирани прскалки за зеленило.

„Новиот парк не само што ќе го разубави изгледот на оваа елитна населба туку ќе придонесе Аеродром да го задржи имиџот на општина што се грижи и ја негува животната средина“, рече градоначалникот Ивица Коневски. (Сн. К.)