Македонската економија поконкурентнa

Женева - Македонија го подобри својот рејтинг и од вкупно 133 земји се најде на 84. место, со индекс 3,95 на компаративната листа на најконкурентни економии за 2009-2010 година, објави вчера Светскиот економски форум.

Меѓу првите поранешни југословенски земји е Словенија, на 37. место, со индекс 4,55. Словенија минатата година беше на 42. место. Црна Гора, исто така, постигна напредок и од 65. место се искачи на 62. место, со индекс од 4,16.

Хрватска, Србија и Босна и Херцеговина бележат пад. Хрватска од минатогодишното 61. место падна на 72. место, а нејзиниот компаративен индекс изнесува 4,03. Србија забележа пад од осум места и е на 93. место, а Босна и Херцеговина се најде на 109. место и е за две места послабо рангирана во однос на претходната листа. САД, поради слабеењето на финансискиот пазар и макроекономската стабилност, водечката позиција и' ја препуштија на Швајцарија. Сингапур е на трето место, а потоа следуваат Шведска и Данска. Во првите десет земји се најдоа и Финска, Германија... (МИА)