Лев доби нов договор

Јоаким Лев останува на клупата на Германија. Федерацијата му понуди нов двегодишен договор со подобрени услови, а тој со двете раце го прифати. Покрај него ниви договори потпишаа и тим менаџерот Оливер Бироф, првиот помошник Ханси Флик и тренерот на голманите Андреас Кепке.

Иако, се чинеше веќе завршена работата, Мартин Јол, сепак, останува во Ајакс, одбивајќи го во последен момент Фулам и Мохамед Ал Фаед. По заминувањето на Рој Хоџсон во Ливерпул клупата на Фулам остана празна, а Јол се чинеше као најдобар избор.

"Фулам беше силно заинтересиран, но јас останувам во Ајакс", ги разреши сите дилеми Јол, кој, наводно бил премислен од финансискиот директор Слоп, кој му кажал дека може да го купи бараното не толку скапо десно крило. Згора на тоа ако се продадат Ван дер Веил и Суарез ќе има добар буџет и за некое поатрактивно име.