Диего: Јувентус ме предаде, ме избркаа зашто не сум Италијанец

Бразилецот Диего замина од Јувентус и верува дека „старата дама“ нема да освои ништо сезонава. Диего минатата година стигна во Торино од Вердер, но по само една година се врати во Бундеслигата.

Новиот 15 милиони вреден играч од средниот ред на Волфсбург е бесен на својот бивш клуб.

„Јувентус ме издаде. Прво Дел Нери ми кажа дека има полна верба во мене и дека моето место во тимот е сигурно. Следниот ден одлучија да ме продадат. Директорот Марота сака само италијански фудбалери и прави голема грешка. Ако сакаш да го освоиш првенството мора да имаш квалитет без разлика на националноста. Тој никогаш не купил шампионски играч, а мене ме продаде за малку пари“, смета Диего.