Мурињо го вика Џеко, Интер дава 28 млн. евра за Кака
Според пишувањата на англискиот печат, тренерот на мадридски Реал, Жозе Мурињо е заинтересиран за напаѓачот на Манчестер Сити Един Џеко.
„Граѓаните“ за Џеко му платија на Волфсбург 27 милиони фунти, но тој постигна само шест гола во меѓувреме, а од тие само два во 21 премиерлигашки настап.
Интер, пак, не се поткажува од Кака. За него пратена е до Реал официјална понуда од 28 милиони евра.
НаЈдобриот стрелец на Њукасл, Нолан, премина во Вест Хем
Кевин Нолан, играчот од средниот ред на Њукасл (изминатава сезона заби 12 гола) вчера и официјално требаше да потпише договор со второлигашот Вест Хем. Овој 28 годишен фудбалер, кој ќе биде големо засилув��ње во составот на Сем Алардајс, треба да ја добие и капитенската лента, која ја носеше и во Њукасл.
Бурно во Баерн, се подготвува нов тим
Баварците жестоко влегоа во преодниот рок. Стигнаа голманот на Шалке Нојер (18 милиони евра), потоа неговиот соиграч, дефанзивецот Рафиња (5,5 милиони), напаѓачот од Котбус Нилс Петерсен (три милиони евра), а се чекаат Артур Видал од Леверкузен (замена за Ван Бомел, кој зимоска прејде во Милан) и јапонското крило Такаши Усами. Боатенг го кочи управата на Сити, а се преговара и со стоперот на Челзи, Алекс. |
