ВЕЛЕС - Неколку стотини жители од велешките села Папрадиште, Нежилово, Ореше и Богомила вчера го блокираа влезот во селото Богомила, незадоволни од лошата состојба на патиштата во реонот на Азот. Транспортирајќи дрва ЈП „Македонски шуми“ обезбедува профит и ги уништува патиштата, обвинуваат селаните.
„Државата сака да развиваме селски туризам. Патот е лош и не може да се стигне подалеку од Богомила. Шумското стопанство треба да плати за сторените штети“, вели Ристо Николовски. Незадоволните жители за овој проблем ја известиле локалната самоуправа во Чашка, Министерството за транспорт и шумското стопанство, но досега фајде не виделе од никаде.
„Немавме пари да им купиме книги на децата, но собравме за пат да направиме. ‘Македонски шуми‘ го уништува патот, а не дава ни денар за поправка. Така не може понатаму“, изјави Петре Ристовски од Нежилово. (С.Ќ.Н.)
Site ovie spomenati mesta: Bogomila, Papradiste, Nezilovo itn itn se naogaat na 40-tina km od Caska. Patot ne e los (uzasen) samo kaj niv - tuku i da se stigne do niv, a e asfaltiran verojatno ne poveke od 10-tina km von Caska. Tolku e kapacitetot na ovaa Opstina Caska. Bogomila treba da se oddeli i da se proglasi za samostojna Opstina i da se grizi za Azot samata, a ne nekoj "preku 7 planini i morinja"
