Еден загинат во сообраќајка кај Зајас
Стравотна сообраќајна несреќа во која едно лице загина, а две се потешко повредени се случи во четвртокот претпладне во близина на кичевското село Зајас, соопшти МВР. До несреќата дошло по судир на автомобили „застава“, управуван од Мухамед Адели (40) од Зајас, и товарно возило „фолксваген транспортер“, управуван од Ј.Ј. (50) од Струга. Возачот на „заставата“ починал на самото место, додека неговите сопатници С.А. (36) и едногодишното дете се здобиле со сериозни повреди поради што се пренесени во Ургентниот центар во Скопје. Причините за сообраќајката се утврдуваат. (Г.А.) |
