Донесени измени на повеќе закони
Собранието Македонија вчера донесе измени и дополнувања на повеќе законски решенија. Во претпладневниот дел од расправата пратениците го донесоа Законот за изменување и дополнување на Законот за основање на Агенција за финансиска поддршка во земјоделството и руралниот развој со кој освен хармонизација со европската легислатива се предвидува и јасно дефинирање на надлежностите на Агенцијата.
Собранието го донесе и Законот за изменување и дополнување на Законот за Македонската академија на науките и уметностите со кој се предвидува првпат по 15 години зголемување на платите на вработените во оваа највисока научна институција во државата. Беа донесени и измените и дополнувањата на Законот за вработување и работа на странци и други. (МИА) | 
