Откриени две нови дела на Моцарт
Меѓународната фондација „Моцартеум“ од Салцбург соопшти дека во пребарувањето по архивата во Полска, се пронајдени две до сега непознати композиции на музичкиот гениј Волвганг Амадеус Моцарт. Станува збор за дела наменети за пијано.
Фондацијата соопшти дека повеќе детали околу новооткриените дела на Моцарт ќе соопшти на 2 август, на презентација во Салцбург.
Моцарт, роден во Салцбург во 1756 година, е еден од најголемите композитори на сите времиња. И иако живеел мошне кусо, починал во Виена на само 35 години, во 1791 година, зад себе оставил голем број извонредни дела, од опери до камерна музика, хорски композиции и концерти за пијано. Пијано почнал да свири на три, а на пет години почнал да компонира. |
