Четкар ќе свири за дипломати во Вашингтон

Македонскиот џез-гитарист Владимир Четкар на 14 ноември ќе настапи со својот бенд пред дипломатскиот кор на Вашингтон во македонската амбасада.

Концертот е празничен и е по повод Денот на благодарноста, а како негови организатори се јавуваат македонската амбасада и Министерството за култура на РМ. Насловен е „Благодарност до американскиот народ ��д македонскиот народ“, а во улога на домаќини ќе се појават министерката за култура, Елизабета Канчевска-Милевска, и македонскиот амбасадор во Америка, Зоран Јолевски

Владимир Четкар ќе се претстави како гитарист и вокалист со своја авторска музика, а ќе биде придружуван од Мото Фукушима на бас и Џефри Фахардо на тапани. (К.Ш.)