Ван Гал и Мурињо ги бркаат своите втори титули

И тренерот на Баерн Луис ван Гал и тренерот на Интер Жозе Мурињо имаат по една титула во ЛШ. Првиот со Ајакс, вториот со Порто. И двата трофеја се особено вредни. Оној на Ван Гал поради начинот на кој играше таа сезона Ајакс, а оној на Мурињо поради фактот дека никој жив таа сезона не го гледаше Порто како шампион. Мурињо има вкупно 16 трофеи, а Ван Гал три повеќе. Колку за споредба, еден Капело има 14 (без одземената титула со Јувентус).

Кој и да слави вечерва ќе стане само третиот тренер во историјата кој успеал да ја освои ЛШ со два различни клуба. Досега тоа им успеа на Ернст Хапел (Феенорд 1970 и Хамбургер 1983), и на Отмар Хицфилд (Борусија Д. 1997, Баерн 2001).

АрЈен Робен: Ние Ќе ги напаЃаме, а тие Ќе се бранат

„Кратко кажано. Мислам дека ние ќе го нападнаме Интер, а тој ќе се брани“, смета Холанѓанецот во редовите на Баерн, кој од 20 метри и повеќе им забиваше голови на сите по ред: Фиорентина, Манчестер Ј. и Лион.

„Играв под палката на Мурињо во Челзи. Тој е сјаен во односот со своите играчи и секогаш од колективот го извлекува максимумот. Но, факт е дека најбитни му се резултатите, а никако играта која им ја нуди на навивачите. Кај Баерн е поинаку, ние сакаме да играме убаво и да оствариме тој начин резултат“, вели Робен и додава: „Интер е силен во подготовката на тимот. Исто така и ментално. Не очекувам вечерва да се бранат на начин на кој се бранеа против Барселона, иако, тогаш имаа играч помалку. Ние мора да ја одиграме нашата игра. Цела сезона игравме на ист начин, па не би требало сега да има некои промени“.



Ето:Тоа Ќе биде одлиЧно финале



„Баерн е голем тим, неговата сила е во секој дел од теренот, но и на клупата“, вели камерунскиот напаѓач Самуел Ето, кој лани ја освои Лигата на шампиони со Барселона. „Нашата предност е во Мурињо. Не сум запознал човек кој до толку нема влакна на јазикот. И мислам дека се што ќе каже е исправно. Со овој тим навистина направи многу, го употреби во дадениот момент точно она што требаше“, додаде Ето, кој доколку даде гол ќе биде првиот фудбалер кој ја тресел мрежата во три финалиња. Тоа го направи со Барса против Арсенал во 2006 и против Манчестер лани.



Финалето во пари - 150 против 258 милиони евра



Германскиот дневник „Билд“ пред големото финале направи и финансиска споредба на двата гиганта според проценките на вредноста на ударните состави на релевантниот портал трансфермаркет.

Вредност на финалистите: Баерн: Бут (3,5 милиони евра), Лам (28), Ван Бајтен (8), Демикелис (10), Бадштубер (8), Ван Бомел (6,5), Бастијан Швајнштајгер (24), Робен (38), Алтинтоп (6;5), Милер (10), Олиќ (12).

Интер: Цезар (25), Занети (7,5), Самуел (15), Лусио (16,5), Мајкон (30), Станковиќ (16), Камбијасо (29), Пандев (16), Снајдер (36), Ето (40), Милито (28).

Можни состави: (4-4-2): Бут - Бадштубер, Ван Бајтен, Контенто, Алтинтоп, Ван Бомел, Швајнштајгер, Робен, Олиќ, Милер

Интер (4-2-3-1): Цезар, Киву, Мајкон, Лусио, Самуел, Занети, Камбијасо, Пандев, Ето, Снајдер, Милито.



Хауард Веб Ќе го суди финалето



Главен судија на финалниот натпревар во Лигата на шампионите Интер - Баерн ќе биде 38-годишниот англиски судија Хауард Веб.

Помошници на Веб ќе бидат неговите сонародници Мајкл Маларки и Дарен Кан, а сите тројцата ќе ја делат и правдата на претстојното Светско првенство во Јужна Африка.

Хауард Веб прв пат ќе суди финален натпревар во најпрестижното европско клупско натпреварување, иако е интернационалец од 2005 година. Една од причините поради која дури сега ја доби шансата да арбитрира во еден ваков натпревар, лежи во фактот што вели дека во претходните пет финалиња на Лигата на шампионите англиските претставници беа учесници во секое од нив.