Слабиот долар го поскапе златото

Лондон - Цената на златото на берзата во Лондон достигна нов рекорд поради падот на вредноста на доларот на најниско ниво годинава. Златото за итна испорака на берзата во Лондон се продаваше за 1.387,1 долари за фина унца (31,1 грам), додека вчера цената на благородниот метал беше 1.370,9.

Во исто време на берзата во Њујорк златото за испорака во декември поскапе за 13,9 долари и се продаваше за 1.384,4 долари за фина унца. Цената на златото од почетокот на годината порасна за повеќе од 25 отсто како последица на ослабувањето на доларот. „Многу сме блиску до нивото од 1.400 долари за фина унца, па ако американската валута дополнително ослаби, нема да бидам изненаден ако цената на златото ја мине и таа граница, изјави аналитичарот на консултантската фирма „РСБ глобал бенкинг енд маркетс“, Дениел Мејџор. (МИА)