„Бадвајзер“ го загуби правото на името „бад“
Судот на ЕУ донесе одлука дека пиварницата „Анхојзер-Буш“ која го произведува „бадвајзер“ не треба да ги има правата на брендот „бад“ низ 27-члената Унија. Тоа е победа за чешката пиварница „Буѓејовицки Будвар“, која посочи дека го регистрирала името во Франција, Австрија и поранешна Чехословачка во 1958 година. „Анхојзер“ сега ќе треба да го регистрира својот заштитен знак во секоја земја-членка одделно. Уште наведува дека го има заштитено своето лого во 23 членки на ЕУ. Тоа е последна фаза од долгиот спор околу заштитен знак меѓу две пиварници. „Буѓејовицки Будвар“ е основана во 1895 година во Чешке Буѓејовице, кој од страна на своите граѓани кои зборуваат германски, е познат како „бадвајз“. Пивото се произведува таму од 1265 година.
„Бадвајзер“ првпат е произведен во Сент Луис во 1852 година и бил првиот бренд на американско пиво. Името е преземено поради тоа што им било познато на германските основачи на компанијата. Збунува тоа што, европскиот суд минатата година пресуди во корист на „Анхојзер-Буш“ во спорот во кој беше инволвирано името “бадвајзер“. „Анхојзер-Буш“ сега е во сопственост на белгиската пиварница „ИнБев“. (Би-Би-Си) |
