Маикон со Мурињо во Реал

Откако Жозе Мурињо најави заминување во Реал вратата на „кралскиот клуб“ сака да ја отвори и Бразилецот Маикон. Тој објасни дека го почитува договорот со Интер, но додаде дека ако Мурињо покаже интерес да го земе со себе во Мадрид неговото заминување не е невозможно.

„Ова што го постигнавме е дел од историјата. Сите се свесни за тоа. И пред мечот разговаравме за ова. Голема работа е за сите нас. Прекрасно чувство. Посебни заслуги и благодарност одат на сметката на нашиот тренер, кој е голем стручњак и човек. Ако сака да ме однесе во Реал ќе мора да почекаме што на тоа ќе каже Морати“.

Запрашан кого би го посакал на клупата на Интер наредната сезона: Бенитез, Михајловиќ или Капело, Маикон одговори: „Сите тројца“.

Весниците шпекулираат дека кон Мадрид може да се упати и Луис Фиго, како асистент на Мурињо. како што е познато Фиго дојде во Реал од најголемиот ривал Барселона во 2000 година и предизвика огромни негодувања, а потоа го стана еден од идолите во шпанската престолнина.