Квиз

Презентација на холандскиот „тотален“ фудбал

Откритие на првенството беше Полска, која го освои третото место

За репрезентацијата на Холандија на ова СП, за кој играа Јохан Кројф, Јохан Нескес, Џони Реп и Боб Резербринк, немаше никакви пречки ниту во вториот круг, кога без примен гол беа совладани Аргентина (4-0), ДРГ (2-0) и Бразил (2-0), демонстрирајќи го т.н. тотален фудбал, претходно инаугуриран од европскиот првак Ајакс.

Откритие на првенството беше талентираниот полски состав, кој го освои третото место, а центарфорот Гжегож Лато беше најдобар стрелец со седум гола.

Финалето почна драматично, кога Кројф беше соборен во 16-никот, по извонредниот соло-пробив, Нескес беше стрелец од пенал и Холандија поведе уште во 2 минута, а Германците претходно не ја ни допреа топката. Германската гордост беше погодена. Подоцна Сеп Маер, Бекенбауер, Берти Фогтс и другите ги сопреа нападите на Кројф и компанија, а Ули Хенес и Волфанг Оверат владееја на средината на теренот. Конечно Германија победи со 2-1 со головите на Паул Брајтнер од пенал и Герд Милер. Тоа беше втората светска титула за Германија, 20 години по триумфот на СП во Швајцарија во 1954 година.

Иако германскиот состав беше препознатлив како целина, сепак, имаше неколку добри индивидуалци: капитенот Франц Бекенбауер, но, исто така, и голманот на Баерн, Сеп Маер, кој освои три европски клупски титули ( 1974, 1975 и 1976 година). Најзабележителната средба ја одигра во полуфиналето против Полска и против Холандија во финалето.

Финале



СР Германија - Холандија 2-1

Стрелци: 0-1 Јохан Нескес од пенал во 2 мин, 1-1 Паул Брајтнер од пенал 25 мин, 2-1 Герд Милер во 44 мин. Стадион Олимписки. Гледачи 77.000. Судија: Џон Тејлор (Англија).

Германија: Маер, Фогтс, Брајтнер, Бонхоф, Шварценбек, Бекенбауер (капитен), Грабовски, Хенес, Милер, Оверат, Хелценбајн.

Холандија: Јонгблуд, Сурбие, Рајсберген (Де Јонг), Хан, Крол, Јансен, Фан Хенехем, Нескес, Реп, Кројф (капитен), Рензенбрик ( Рене ван де Керкоф).

Меч за трето место: Полска - Бразил 1-0.

Статистика;

Учесници (16); Аргентина, Полска, ДР Германија (ГДР), Италија, Бугарија, Уругвај, Австралија, Шкотска, СР Германија, Холандија, Чиле, СФР Југославија, Бразил, Шведска, Хаити, Заир.

Вкупно гледачи: 1.774.022 на 38 натпревари.

Најдобар стрелец на првенството Гжегож Лато (Полска) 7 голови.

Градови; Дортмунд, Диселдорф, Франкфурт, Гелзенкирхен, Хамбург, Хановер, Минхен, Штутгарт, Западен Берлин.

Маскота: Тип и Тап - две момчиња

Во квалификациите учествуваа 98 репрезентации од цел свет.