Возачот на Јамаха, Шпанецот Хорхе Лоренцо, победи во трката на мото ГП шампионатот за Големата награда на Франција возена во Ле Ман со што го зацврсти водството во генералниот пласман.
Лоренцо до втората едноподруго победа во Ле Ман стигна за 44 минути 29 секунди и 11 стотинки. Како втор заврши неговиот клупски колега Валентино Роси, кој и покрај тоа што стартуваше од првата позиција, низ целта мина со речиси шест ��екунди задоцнување. Италијанецот Андреа Довициозо од тимот на Хонда го освои третото место со 7,87 секунди зад Лоренцо.
Во генералниот пласман Хорхе Лоренцо е прв со 70 бода и има девет повеќе од Валентино Роси, додека на третото место е Довициозо со 42 бода.
Во класата до 125 кубика славеше Шпанецот Пол Еспаргаро, кој сега на водечкиот Николас Терол му се доближи на два бода.
Во класата до 250 кубика триумфираше Шпанецот Тони Елијас, кој води во генералниот пласман со 18 бода повеќе од второпласираниот Јапонец Шоје Томизава. Првенството продолжува на 6 јуни со трката за Големата награда на Италија.
